பெருநகரத் தனிமைகள்
முகவரி அற்ற கடிதங்களின் தொகுப்பு
ஜன்னல் வழி பறக்க எத்தனிக்கும் காகிதங்கள்
கனவுகளில் முட்டி மோதும் நினைவலைகள்
மையப்புள்ளி விலகிகொண்டே இருக்கிறது
அறை முழுக்க பரவி வரும் தனிமை
தனிமை மறக்க நிகழும் சந்திப்புகள்
சந்திப்புகள் தரும் அலுப்பு
அலுப்புகள் தரும் அனுபவங்கள்
ஊடுபாவும் ஒற்றைக் கதிரின் சலனம்
டம்ளரில் அடங்கிவிடும் தண்ணீர்
ஒளிவிலகல் பற்றிய எவனோ ஒருவனின் குறிப்புகளில்
மனவிலகல் பற்றியும் ஏதேனும் இருக்கக்கூடும்...
முன்னிரவு தரும் போதை
பின்னிரவு தரும் தத்துவம்
அதிகாலை தரும் ஆர்ப்பரிப்புகள் என
பெருநகரத் தனிமைகள் யாவும் பிரசித்தி பெற்றவை!
***************************************************************************
JDina
Saturday, July 17, 2010
Excellent Rettai